02 / 05 / 2015 அன்று காலை அரண்மனை புதூர் நகராட்சி நடுநிலைப்பள்ளியில் பகுதிநேர ஆசிரியர்கள் கூட்டமைப்பின் ஒருங்கிணைப்பு மற்றும் ஆலோசனைக்கூட்டம் திருப்பூர் நகரில் முதன் முறையாக நடைபெற்றது.
மாவட்டத் தலைவர் திரு.செந்தில் குமாரின் பங்கேற்பில் மாவட்டச் செயலாளர் திரு. அர்ச்சுனன் தலைமை வகித்தார். தங்கமணி மற்றும் வனிதா ஆகியோர் வரவேற்புரை வழங்கினர். மாவட்ட அமைப்பாளர் திரு. தண்டபாணி, மாவட்டத் துணைத்தலைவர் திரு.ஆத்தியப்பன் மற்றும் மாவட்டத் துணைச் செயலாளர் திரு.மரியன் தென்வாலியா ஆகியோர் முன்னிலை வகித்தனர்.
தமிழக பகுதிநேர சிறப்பாசிரியர் சங்கத்தின் மாநில பொருளாளர் திரு. நாகை ஜான்சன் சங்கத்தின் செயல்பாடுகள் மற்றும் தமிழக அரசின் நிலைப்பாடுகள் குறித்து சிறப்புரையாற்றினார். இறுதியாக யசோதா அவர்கள் நன்றியுரை வழங்கினார். திருப்பூர் மாவட்டத்தைச் சேர்ந்த பகுதிநேர சிறப்பாசிரியர்கள் பலரும் கலந்து கொண்டனர்.
தமிழக பகுதிநேர சிறப்பாசிரியர் சங்கத்தின் மாநில செய்தித் தொடர்பாளர் திரு. பொன். சங்கர் திருப்பூர் நகரில் முதன்முறையாக பகுதிநேர சிறப்பாசிரியர்கள் கூடியிருப்பதால் இக்கூட்டத்தில் கலந்து கொண்டு அவர்களின் ஒருமைப்பாடு மற்றும் செய்திதொடர்பு குறித்த விழிப்புணர்வு பற்றிய தமது கருத்து மற்றும் செய்தி விளக்கத்தைப் பதிவு செய்தார்.
பொன். சங்கர்
மாநில செய்தி தொடர்பாளர்
தமிழக பகுதிநேர சிறப்பாசிரியர்கள் சங்கம்
கருத்துகள் இல்லை:
கருத்துரையிடுக